Lo sistèma judiciari francés (los tribunals : jutjaira judiciara e administrativa)
Princip de parténcia : Tota persona a lo drech de solicitar l'intervencion de la Justìcia.
I) Las caracteristicas d'una accion en Justìcia
A) Lo drech a la justìcia :
Per menar (exercer) una accion en Justìcia, cal aver :
- un interés d'agir " non d'interés, non d'accion " : aicest interés deu èsser personal, eissit (né), actual e legitim
- una qualitat per agir : es lo titular del drech qual agís, mas pòt èsser aitant ben sos ereitièrs, sos creditors (créanciers) ...
- la capacitat juridica ; existe 3 cases d'incapacitat juridica : los minors non emancipats, los majors sotz tutoratge (en tutelle), los interdiches legals (interdits légaux). Si sètz en un d'estos cases, non poètz participar coma demandaire o defendeire a un procès.
B) Los princips d'una procedura
1) La procedura es :
- orala : las partias o lors avocats venen s'exprimir a l'audiéncia (a mai se depausan de dorsièrs (des écritures)
- publica : tota persona a accès a la sala d'audiéncia (manco en cèrts cases : divòrci, a discrecion ~ pòrtas barraas (huis clos) ...)
- contradictòri : las partias pòon caduna respònder a l'autra ; tantben aiçò implica la comunicacion a l'adversari de tot document produsit en justìcia
2) Aquel que pren l'initiativa del procès si nomina lo demandaire e aquel que lo subís, lo defendeire.
- Lo demandaire formula de demandas acusant (à l'encontre du) lo defendeire.
- Lo defendeire pòt a l'encòp presentar una defensa per que las demandas de son adversari siguen rejeitaas e faire de demandas dichas reconvencionalas (reconventionnelles).
3) La procedura es perèu qualificaa de :
- procedura acusatòria : quand la recerca de las pròvas reven (incombe) a las partias, en materia civila, comerciala e de trabalh (prud'hommale)
- procedura inquisitòria (inquisitoire) : quand los jutges recercan las pròvas : en materia penala e administrativa
II) L'organizacion dels tribunals e, quina jutjaria encargar (juridiction saisir) ?
Devètz saber quin tribunal es competent per jutjar vòstre procès. Las jutjarias varian segon la materia en jòc e lo lòc del litigi. Mai, son ierarquizaas.
A) La competéncia juridiccionala
Destrian :
- la competéncia en fonccion (en raison) de la materia. Exemple : un procès entre comerçants anarà denant lo Tribunal de comerci.
- la competéncia en fonccion (en raison) del lòc : lo tribunal competent es en princip aquest del domicili del defendeire, mas i a de nomerosas excepcions (lòc del contracte, de l'auvari, de l'imòble litigiós, del delicte...).