Overblog Suivre ce blog
Editer l'article Administration Créer mon blog

Organizacion jutjariala en Occitània espanhòla

Publié le 18 Septembre 2012

Organizacion jutjariala en Occitània espanhòla

La salvagarda de l'independença dels tribunals e de las corts fasent partia del Poder judiciar dins l'exercici de lors atribucions juridiccionalas constituisse la fonccion principala del Conselh general del Poder judiciari.

L'Estat de Drech que implica fondamentalament la separacion dels poders de l'Estat, l'empèri de la lei coma expression de la soberania populara, la sujecion de l'ensèms dels poders publics a la Constitucion e al resta de l'ordonancament juridic coma la garantia procedurala efectiva dels drechs fondamentals e de las libertats publicas exigisse l'existéncia d'organas que, se caracterisa per lor independéncia institucionala, gausisson de per la Constitucion d'atribucions lor permetant d'executar e d'aplicar en tota imparcialitat las normas provenentas de la volontat populara, de sometre l'ensèms dels poders publics al respect de la lei, de contrarotlar la legalitat dels actes de l'Administracion e d'ofrir a tots la tutela judiciària efectiva de lors dreches subjectius e de lors interèsses legitimes. Aquelos organes son los tribunals e las corts formant lo Poder judiciari e que lo govern es complit per lo Conselh general del Poder judiciari.

En matièra judiciària, l'Estat es divisit territorialament en arrondiments, en provinças e en comunitats autonòmas dins lasqualas la fonccion juridiccionala es assumia per los tribunals de premièra instància e d'instruccion, los tribunals de l'òrdre penal, del contenciós administratiu, de l'òrdre social, de l'aplicacion de las penas e los jutges per enfants, las corts provincialas (Audiencias Provinciales) e los tribunals superiors de justícia. La Cort nacionala (Audiencia Nacional) e lo Tribunal suprème exèrçan lors fonccions juridiccionalas sus l'ensèms del territòri.

Lo Tribunal suprème, que lo sèti es a Madrid, es competent territorialament dins l'Espanha entièra e, sota reserva de las disposicions en matièra de garantias constitucionalas, constitua l'organa judiciari superior dins tots los òrdres e gausisse de las atribucions juridiccionalas las mai elevaas.

Lo Tribunal suprème se compausa de mai d’una cambra que se divison caduna en mai d’una seccion :

- Primièra Cambra : Cambra civila.

- Segonda Cambra : Cambra criminela.

- Tèrça Cambra : Cambra del contenciós administratiu.

- Quarta Cambra : Cambra sociale.

- Cinquièma Cambra : Cambra militària regia per una legislacion especifica e, accessoriament, per l'ordonançament comun a totas las Cambras del Tribunal suprème.

Lo Tribunal suprème possède egalament un Cabinet tecnic de Documentacion e d'Informacion plaçat sota la dependença directa de son President.

La Cort nacionala (Audiencia Nacional) que lo sèti es a Madrid, exerça egalament sas fonccions juridiccionalas sus l'ensèms del territòri espanhòl e coneisse mai especialament los afairs criminals particuliarament importants. Es formaa de mai d’una cambra caduna divisia en diferentas seccions :

- La Cambra criminala.

- La Cambra del contenciós administratiu.

- La Cambra sociala.

Los Tribunals centrals d'Instruccion, competents en matièra d'instruccion de las causas que aurà a conéisser la Cambra criminala de la Cort nacionala coma los Tribunals centrals de l'Òrdre penal, competents per conéisser los afaires criminals en vertut de las atribucions que lor son reservaas per las leis, fan partia integranta de la Cort nacionala.

Los Tribunals superiors de Justícia se tròban al som de l'organisacion judiciària de cada comunitat autonòma que prènon lo nom e sus lo territòri que exèrçon lors atribucions, sensa prejudiciar la competenca juridiccionala del Tribunal suprème. Fòrman lo darrier nivel d'instància dins l'aplicacion del drech autonòme.

Los Tribunals superiors de Justícia son formats per las cambras siguentas, caduna eventualament divisias en mai d’una seccion :

- Cambra civila e penala.

- Cambra del contenciós administratiu.

- Cambra sociala.

Las corts provincialas (Audiencias Provinciales), competentas en matièra civila e penala, an lor sèti dins caca cap-luèc de província que pòrtan lo nom e sus lo territòri ont exèrçon lors atribucions.

Parier, dins cada província pòt existir un o mai d’un tribunal de l'òrdre penal, administratiu, de l'òrdre social, de l'aplicacion de las penas e per enfants, que lo sèti se tròba al cap-luèc de la província. Aquelos tribunals pòon exerçar lors atribucions sus un o mai d’un arrondiments de la província e quitament de mai d’una província dintre una sola comunitat autonòma tots los còps que lo nombre dels afaires l'exigisse.

Dins cada arrondiment se tròba un o mai d’un tribunal de premièra instància e d'instruccion aguent son sèti al cap-luèc d'arrondiment e exerçant sas atribucions sus l'ensèms del territòri d’aquel darrier citat. Aquelos tribunals pòrtan lo nom de la municipalitat ont se tròba lor sèti e pòon se subdivisar en mai d’un organas de premièra instància e d'instruccion dins los arrondiments exigent un mai grand nombre de tribunals.

En mai d’aquò, dins las municipalitats que dispausan ren de tribunal de premièra instància e d'instruccion, los jutges de patz exèrçan lors atribucions juridiccionalas sus lo territòri de la comuna en question.

Mas, totun per las circonscripcions comptant mai d'un tribunal del mème òrdre e après que las Cambras del Govern li auràn remès lor rapòrt, lo Conselh general del Poder judiciari pòt autorisar un tribunal o mai d’un d'entre elos a conéisser exclusivament d’unos tipes d'afaires o de l'execucion de las senténcias pròpraas a l'òrdre juridiccional concernit. Dona subertot dins las grandas vilas, a la creacion de tribunals especialisats en matièra de familha, de tutèlas, d'ipotècas, de vias d'execucions, etc...

L'organisacion de la juridiccion militària, structuraa de manièra ierarquisaa e coronaa per la quinta Cambra del Tribunal Suprème, la Cambra militària, merita d'ètra mencionaa a part. A l'escalon imediatament inferior a aquela Cambra se tròba lo Tribunal militari central, puèi Los Tribunals militaris territorials e enfin los jutges militaris, aquelos darriers estent investits de fonccions d'instruccion.

Commenter cet article