Overblog Suivre ce blog
Editer l'article Administration Créer mon blog

Cort de Justícia de las Comunitats europèas

Publié le 18 Septembre 2012

Cort de Justícia de las Comunitats europèas

Una jutjaria per Euròpa

L'inovacion granda de las Comunitats europèas rapòrt als projeits anteriors d'unificacion d'Euròpa residís en lo fach que la Comunitat emplega a aquesta tòca exclusivament lo poder del drech.

D'efeit, conscients de que sola un'unificacion preservaa e realizaa per lo drech avia de chabéncias de durar, es subre una basa juridica - los tractats de Paris e de Ròma - que los sièis Éstats fondators an volgut consacrar la naisséncia de las Comunitats europèas.

Aüra, la Comunitat non es solament una creacion del drech, mas perseguisse sos objeitius utilisant exclusivament un drech nòu, nominat lo drech comunitar, que a per caracteristica d'estre un drech autonòme, unifòrme per tots los païses membres de la Comunitat, destriats del drech nacional, lo tot en li essent superior e que una part importanta de las dispausicions es direitament aplicabla en tots los Estats membres.

Coma tot òrdre juridic vertadièr, l'òrde juridic de la Comunitat devia dispausar d'un sistèma eficaç de proteccion jutjariala quand lo drech comunitar es contestat o que s'agís de lo faire aplicar.

La Cort de justícia, en sa qualitat d'institucion jutjariala de la Comunitat, constituís l'axe d'aquest dispositiu de proteccion. Als jutges reven l'òbra de defugir que cadun interprèta e aplica a aquest drech a son biais pròpri, de garantir que la lei comuna gàrdia son caractèr e sa natura comunitara, d'assegurar que demòre identica per tots e en totas circonstàncias.

A aquesta fin, la Cort de justícia es competenta per conéisser de litigis que pòon estre partias los Estats membres, las institucions comunitàrias, las entrepresas e los particulars.

Evolucion de la Cort

Despuèi sa creacion en 1952 jusc ancuei, la Cort es estacha encargaa de mai de 8.600 afaires. La cifras de 200 nòus afaires per an es estach atench tre 1978 e, en 1985, la cifra de 400 afaires per an es estach depassat.

Per faire fàcia a aquesta afluç tot al respeit de delaisses de procedura raionables, la Cort de justícia a adaptat son regulament de procedura per fin de li permetre de trachar los afaires mai veloçament e demandèt al Conselh la creacion d'un organa jutjaria nòu.

Creacion del Tribunal de premièr jutjament (1ère instance)

Per respòndre a aicesta demanda, lo Conselh li jonch un Tribunal de jutjament (première instance).

La creacion del Tribunal de jutjament en 1989 a per tòca de melhorar la proteccion jutjariala dels justiciables instaurant un doble grade de jutjaria e de permetre a la Cort de se concentrar subre son òbra essenciala, l'interpretacion uniforma del drech comunitar.

Commenter cet article