Document de Drech Constitucional
16/ 1990, de 13 de junhsèga, sus eth règim especiau dera Val d'Aran.
(DOGC)
ETH PRESIDENT DERA GENERALITAT DE CATALONHA
Sigue notòri a toti es ciutadans qu'eth Parlament de Catalonha a aprovat e jo, en nòm deth Rei e d'acòrd tamb çò qu'establís er article 33.2 der Estatut d'Autonomia de Catalonha, promulgui era seguenta
LEI
[…]
TíTOL 1
Disposicions generaus
Article 1
-1 Aguesta Lei restablís e actualise era organisacion administratiua pròpia d'Aran, cossent damb era Disposicion Addicionau prumèra der Estatut d'Autonomia de Catalonha.
-2 Aran ei ua entitat territoriau determinada pera agropacion des territòris municipaus de : Arres, Bausen, Es Bòrdes, Bossòst, canejan, Les Naut Aran, Vielha-Mijaran e Vilamós, qu'a personalitat juridica pròpia e plena capacitat e autonomia entath compliment des sòns fins.
[…]
Títol 2
Dera organisacion pròpia d'Aran
Article 6
-1 Eth govèrn e era administracion d'Aran corresponen ath Conselh Generau. Aguest ei integrat peth Sindic e pes Conselhèrs Generaus.
-2 Es Conselhèrs Generaus, representants des vesins, son escuelhudi cossent damb çò qu'establís aguesta Lei.
-3 Eth Conselh Generau ei integrat per tretze membres.
Article 7
Eth Conselh genrau a d'elaborar e aprovar eth sòn reglament organic de foncionament intèrn cossent damb era legislacion viguenta.
Article 8
-1 Son organs deth Conselh Generau :
a) Eth Plen
b) Eth Sindic
c) Era Comission d'Auditors de Compdes.
-2 Eth Plen ei format peth Sindic e pes Conselhèrs Generaus. Corresponen ath Plen es atribucions que aguesta Lei l'autrege.
- 3 Eth Sindic ei eth Cap dera Administracion pròpia d'Aran, convòque e presidís eth Conselh Generau, a era representacion legau e exercís totes es atribucions qu'eth Plen li delègue e que non corresponen pas ad aguest darièr. Ei eth president nat de toti es organs collegiats e des societats e empreses depenentes deth Conselh. Eth Sindic a de trabalhar peth ben d'Aran.
- 4 Era Comission d'Auditors de Compdes, de constitucion obligatòria, ei formulada aumens per un Conselhèr Generau de cada grop politic representat en Conselh Generau. Li correspón de campar e d'estudiar es compdes annaus deth Conselh Generau e emeté-ne informe abantes que eth Plen les apròve.
- 5 Eth Conselh Generau, cossent damb era podença d'autoorganisacion, pòt crear d'auti organs complementaris d'aguesta organisacion en sòn reglament organic.